संसदीय छानबिन समितिमा बयान दिन पुगे लामिछाने

काठमाडौं । राष्ट्रिय स्वतन्त्र पार्टीका सभापति रवि लामिछाने सहकारी ठगीबारे बयान दिन सहकारी संस्था वचत रकम दुरुपयोग सम्बन्धमा गठित संसदीय छानबिन विशेष समितिमा उपस्थित भएका छन् ।

संसदीय समितिले उनीसँग गोरखा मिडिया प्रालिको प्रवन्ध निर्देशक हुँदा विभिन्न सहकारीहरूसँग भएको कारोबारका विषयमा सोधपुछ गर्न बोलाएको हो । लामिछाने प्रवन्ध निर्देशक रहेको बेला सो कम्पनीले अवैध रूपमा सहकारीबाट ऋण लिएको छ भने लामिछाने आफैंले पनि सहकारीबाट ऋण लिएको पाइएको छ ।

लामिछाने नै सहकारी ठगीमा मुछिएपछि संसदले लामो विवादपछि विशेष समिति गठन गरेको थियो । समितिले यसअघि उनीसँग जोडिएका विपिन आचार्य र छविलाल जोशीसँग पनि बयान लिइसकेको छ ।