0
Shares
काठमाडौँ / नेपाली कांग्रेसका नेता डा शेखर कोइरालाले सामाजिक सञ्जाल विधेयक–२०८१ पुनर्लेखन हुनुपर्ने बताएका छन् ।
मिडिया लयर्स एशोसिएसनले बिहीबार काठमाडौंमा आयोजना गरेको कार्यक्रममा कोइरालाले कानून नागरिकका लागि बनाइने भएकाले नागरिकतहमा छलफल गरेर उक्त विधेयकलाई पुनर्लेखन गर्नुपर्ने बताएका हुन् । नागरिकलाई दण्डित गर्ने गरि बनाइने कानून उचित नहुने उनले बताए ।
उनले संविधानसंग बाझिएका कानूनहरुलाई पनि संशोधन गर्नुपर्ने धारणा राखे । संविधानमा लेखेका कुराहरुलाई अक्षरस कार्यान्वयन गर्ने गरि कानून बनाउनुपर्नेमा त्यसमा चुकेकोउनको भनाइ छ । उनले विश्वका कुनै पनि सरकार निरंकुशततर्फ नै जाने भएकाले त्यसमा कुनै शंका गर्नुनपर्ने जिकिर गरे ।
उनले नेपालमा छिटो छिटो सरकार परिवर्तन हुने भएकाले प्रतिपक्ष वा सत्तापक्ष भन्नेमा धेरै जोड दिन नहुने बताए ।
