ट्रक दुर्घटना हुँदा चालकको मृत्यु

काठमाडौं – सप्तरीमा ट्रक दुर्घटना हुँदा चालकको मृत्यु भएको छ।मृत्यु हुनेमा ट्रक चालक मोरङको उर्लाबारी नगरपालिका -१ का २५ वर्षीय सबिन राई रहेको सप्तरीका प्रहरी प्रवक्ता डिएसपी ढुण्डीराज न्यौपानले जानकारी दिए ।

मंगलबार बिहान साढे ६ बजे शम्भुनाथ नगरपालिका ५ पूर्वपश्चिम राजमार्गमा पश्चिमबाट पूर्व जाँदै गरेको ट्रक दुर्घटना हुँदा चालकको मृत्यु भएको जिल्ला प्रहरी कार्यालय सप्तरीका डिएसपी ढुण्डिराज न्यौपानेले जानकारी दिए।मधेश प्रदेश-०३-००१ ख ८१८१ नं। को १२ चक्के ट्रक मोहनपुर पुलबाट अन्दाजी २० मिटर तल खसेको हो।

ट्रकभित्र नै चेपिएर चालकको घट्नास्थलमानै मृत्यु भएको र क्रेन र जेसिबिको सहयोगमा शव निकाल्ने कार्य भइरहेको डिएसपी न्यौपानेले बताए ।