बुधबार कति छ सुनचाँदीको मूल्य ?

काठमाडौं – नेपाली बजारमा आज बुधबार सुन–चाँदीको मूल्य घटेको छ।मंगलबार कायम भएको सुनको मूल्य हालसम्मकै उच्च थियो ।तर आज प्रतितोला तीन सय रूपैयाँले सुनको भाउ घटेको छ ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख ५० हजार पाँच सय रूपैयाँमा कारोबार भइरहेको छ। मंगलबार छापावाल सुन प्रतितोला एक लाख ५० हजार आठ सय रूपैयाँमा कारोबार भएको थियो।

यस्तै बुधबार चाँदीको मूल्य पनि सामान्य घटेको छ । मंगलबार तोलामा १ हजार ७४० रुपैयाँ कायम भएको चाँदीको मूल्य बुधबार घटेर तोलामा १ हजार ७३५ रुपैयाँ कायम भएको महासंघले जनाएको छ ।