0
Shares
काठमाडौं । नेकपा माओवादी केन्द्रको स्थायी कमिटी बैठक आज बस्दैछ । बैठक पार्टी केन्द्रीय कार्यालय पेरिसडाँडामा बिहान ११ बजेका लागि बोलाइएको छ ।
आजको बैठकमा स्थायी कमिटी सदस्यहरूले उठाएका प्रश्नकाबारेमा अध्यक्ष पुष्पकमल दाहाल प्रचण्डले जवाफ दिने कार्यक्रम रहेको छ ।
गत शुक्रबारदेखि जारी बैठकमा पार्टी नेतृत्वको विकल्प, साङ्गठनिक अवस्था, देशको अवस्था, अन्तर्राष्ट्रिय राजनीति लगायत विषयमा छलफल भएको छ । बैठकमा पार्टी उपमहासचिव जनार्दन शर्माले नेतृत्व परिवर्तन गर्ने प्रस्ताव अघि सारेका छन् ।
