ललितपुरको कुम्भेश्वरमा आगलागी

काठमाडौं – ललितपुरको कुम्भेश्वरस्थित एक घरमा आज बिहान आगलागी भएको छ ।जिल्ला प्रहरी परिसर ललितपुरका प्रवक्ता एसपी नरेशराज सुवेदीका अनुसार आगलागी बिहान ९ बजेपछि सुरू भएको थियो।घरको माथिल्लो तलाबाट सुरू भएको आग लागी नियन्त्रणको प्रयास भइरहेको पनि उनले बताए।

आगो निभाउन ललितपुर महानगरपालिकाका नगर प्रहरीसहितको टोली खटिएको थियो । काठमाडौं महानगरपालिकाको दमकल पनि झिकाइएको थियो ।ललितपुरको महानगर प्रहरी प्रमुख सिताराम हाछेथुले २५ जना नगर प्रहरी, ३ वटा दमकल र एउटा पानी ट्यांकरको सहयोगमा आगो नियन्त्रणमा लिइएको बताए ।

उक्त घरको भुइँतलामा मेडिकल पसल र खाजा तथा मिठाइ पसलहरु छन् । आज जात्राको दिन परेकाले मिठाइहरु बनाउने काम जारी थियो । त्यहीबेला घरको दोस्रो तलामा आगो लागेको देखिएको थियो ।

आगलागीबाट भएको क्षतिको विवरण खुलिसकेको छैन ।